Move on....!✍️* 🙇

  

       Move On....! 🙇

        क्षितिज जिथे जमिन आणि आकाश एकच वाटतं असं ठिकाण! बर्‍याचदा आयुष्यात काही प्रसंग असे घडतात की 

    वाटतं आता सगळं काही संपलंय, सारं हातातून nनिसटून गेलंय, आता काहीच पर्याय उरलेला नाही. तेव्हाच मित्रांनो स्वतःच्या मनाशी एकदा हितगुज करावं. सगळ्या प्रश्नांची उत्तरे तिथे मिळून जातात. फक्त गरज असते ती मनाच्या क्षितिजापलीकडे डोकावण्याची! 

     तुम्ही म्हणत असाल ते मनाचे क्षितिज हा काय प्रकार ?  तर मित्रहो जसं शरीराला व्यायाम लागतो तसं मनालाही लागतो. मनाचे सुद्धा वेगवेगळे रंग असतात. मनातलं मनाशी बोलावं. कधीतरी स्वतः सोबत स्वतंत्र गप्पा माराव्या.  वेड्यासारखं नाचावं, हसावं, रडावं पण हा स्वतःला सावरून घ्यायला शिकावं हे महत्त्वाचं! 

     कधी आरशासमोर चेहर्‍यावर वेगवेगळे भाव आणून पाहिलंय का?

     मोठं होऊन पण लहान मुलासारखं बागडलाय का?

     विचारा एकदा स्वतःला!

      विचारात हरवला ना? प्रत्येकजण निराश होत असतो. फक्त त्यातून बाहेर पडण्यासाठी आपण कोणता पर्याय निवडतोय हे आपलं आपल्यालाच ठरवावं लागतं. मी आजकाल एक मजेशीर कार्यक्रम पाहते. त्यात एक मुलगी आहे ती खूप छान आहे.  कोणतीही समस्या असो ती जास्त काळ टिकू देत नाही.  ती हसत-हसत त्यावर मार्ग काढते. इतरांच्या सुखात ती सुखी रहायला बघते. मला तिला पाहून प्रचंड सकारात्मकता मिळते. जेव्हा काही निराशाजनक गोष्टी घडतात तेव्हा ती मुलगी आठवते. अशी कित्येक उदाहरणे आपल्या आजूबाजूला आहेत. मग मी का नाही असं बनू शकत... निश्चितच मी असं बनू शकते.

    Let's move on.... !

पल भर की है ये जिंदगी 

इसे खुल के जीना चाहिए 

           युं तो काँटे बिछे है राह पर 

           हँसते हुए आंसु पीना चाहिए! 

      मनातल्या मनात कुढण्यापेक्षा मन मोकळं करून पहा. तुमच्या कुटुंबासमोर, मित्रांसमोर तुमचे प्रश्न मांडून पहा. नक्कीच ते तुम्हाला खूप काही शिकवून जातील. मानसिकतेवर हल्ली कोणी बोलायलाच मागत नाही. मानसिक स्वास्थ्य जर नसेल तर मन कशातच रमत नाही. म्हणून मित्रहो Move on करायला शिका. जर एखाद्या गोष्टीतून पुढे जायला मार्ग नसेल तर ती गोष्ट तिथेच सोडा. त्या गोष्टीला पकडून ठेवले तर तुम्ही दुःखाला कुरवाळत आहात असे म्हणायला हरकत नाही. अशा व्यक्तींसोबत बोला ज्या खरंच तुमचं चांगलं होवो अशी अपेक्षा करतात. 

मित्रहो तुमच्या प्रतिक्रिया मला नक्की कळवा😊

- मयुरी खानविलकर, सातारा